Күн ачык болот. 24-апрелге карата аба ырайы

Эртең, 24-апрелде өлкө аймагында жаан-чачын болбойт. Бул тууралуу Кыргызгидрометтен билдиришти.

Чүй, Талас, Ысык-Көл облустарынын дыйканчылык аймактарында түндө -2... -4 градус үшүк жүрөт. Батыш тараптан жел согуп турат.

Абанын температурасы:

Чүй жана Талас облустарында түнкүсүн +1... +6, күндүз +15... +20;

Баткен, Жалал-Абад, Ош дубандарында түнкүсүн +4... +9, күндүз +17... +22;

Ысык-Көл жергесинде түнкүсүн 1... +6, күндүз +9... +14;

Нарын облусунда түнкүсүн -1... -6, күндүз +9... +14;

Бийик тоолуу райондордо түнкүсүн -12... -17, күндүз -2... +3 градус;

Бишкек шаарында түнкүсүн 0... +2, күндүз +18... +20 градус болот. Жаан-чачын болбойт.