Даават, жума намаз, айт намаздарына чектөө киргизилеби? Муфтияттын жообу

Кыргыз өлкөсүнүн мусулмандарынын дин башкармалыгына баш калаадагы даават жана массалык иш-чараларды коронавируска байланыштуу токтотуп турууну Бишкектеги Мамлекеттик санитардык-эпидемиологиялык көзөмөл борбору сунуштады. Бул боюнча SUPER.KG порталы муфтиятка байланышканыбызда, отурум өткөрүлүп андан соң чечим чыгарын билдиришти.

"Даават, жума намаз, айт намаздарын өткөрбөө боюнча муфтиятка кечээ кечинде сунуш келген. Бизде азыр ал сунуш каралып жатат. Өлкөдөгү эпидемиологиялык абалды эске алуу менен Бишкекте бардык намаздар аралыкты сактап окулуп жатат. Экинчиден Орозо айы башталгандан баштап ооз ачарлар мечиттерде өткөрүлгөн жок. Кафе-ресторандарда болуп жаткан ооз ачарларга биз жооп бербейбиз. Калган маселелер боюнча бизде отурум болуп чечим кабыл алынат", - дешти аталган мекемеден.