Супер-Инфо
super.kg видео
"Денеси толук көмүлүп, башы эле ачык, көзү жумулуу..." Чүйдө күйөөсү тирүүлөй көмүп салган аялдын иниси окуя тууралуу айтты
Чүй облусунун Панфилов районунда күйөөсү аялын тирүүлөй көмүп салган. Бул окуя боюнча SUPER.KG порталына келиндин бир тууган иниси төмөндөгүлөрдү билдирди. Ал аты-жөнүн атагысы келген жок.
Эжесинин бул окуясын ага айылдашы айткан.
"Келсем эле эжем жерде көмүлүп жатыптыр. Нес болуп калдым. Денеси толук көмүлүп башы эле ачык экен. Көзү жумулуу. Мен кыйкырганда гана эжем көзүн ачты. Жездем бери басып келип мени жолотпой койду. Экөөбүз ошол жерден урушуп кеттик. Колумда балта бар болчу. Бирок чапкан жокмун. Ары ыргытып жиберип, анан жакалаша кеттик. Мен аны бет жагына бир жолу урдум. Ал мени урду. Күрөк менен чабайын дегенде мен качып кеттим. Эжекеме жолоткон жок.
Мен көчө жакка чуркап чыкканда дос балдарым келип калды. Алар эжекемди казып чыгарып, анан үйгө алып келишиптир. Аңгыча апам келди, милиция келип, баарыбызды РИИБге алып кетишти. Ал жактан баарыбыз суралдык, жездем калган. Бүгүн бирок жездем кайра телефон чала баштады.
Жездем менен эжемдин 5 баласы бар. Декабрда жездем Орусиядан келген", - деди келиндин бир тууган иниси.
-2
Ал келиндин акыбалы жөнүндө жазылыптыр го
Бир окуя уктум эле ушул кызганыч жөнүндө
Бир үй бүлөдө аялын ойношу менен кармап алат, бирок эч кандай урушуп согушпайт, келинчеги ыйлап сыктап кечирим сурайт экен. Жигит жөн гана туугандарын айыл аксакалдарын чакырат да, аларга болгон окуяны айтып келинди жылаңачтап туугандарына кошуп берген экен мен ак нике менен ак жоолук менен алдым эле эми жылаңачтап алып кеткиле деген дешет.карагылачы ушудан өткөн оор жаза ба