Бишкекте айыл чарба жарманкеси уланууда

Бишкек шаарында айыл чарба жарманкеси уланууда. Бул тууралуу өкмөттүн басма сөз кызматынан билдиришти. Борбор калаада 21-сентябрда башталган жарманке жашоочуларды ыңгайлуу баадагы азык-түлүк менен камсыздоого багытталган. Иш-чара шаардын Ибраимов менен Жумабек көчөлөрүнүн кесилишинде, 12 кичи районундагы Нуркамал көчөсүндө, Тыналиев көчөсү менен Жал кичи районунун аралыгында өтөт. Базардагы баадан арзан сатыкка чыккан азык-түлүк жарманкеси ишемби жана жекшемби күндөрү саат 08:00дөн баштап өткөрүүдө.