Бишкек менен Чүйдүн айрым жерлеринде электр жарыгы өчүрүлөт

Бишкек шаарынын жана Чүй облусунун айрым жерлеринде бүгүн, 21-октябрда электр жарыгы өчүрүлөт. Бул тууралуу "Түндүк электрдин" басма сөз кызматынан билдиришти. Борбор шаардагы айрым көмөк чордондорду оңдоо иштерине байланыштуу саат 09:00дөн 17:00гө чейин Сагымбай манасчы көчөсүндөгү №164 көп кабаттуу үйдө электр жарыгы болбойт. Чүй облусунун Лебединовка айылындагы айрым көчөлөрдө, Аламүдүн районундагы электр линияларын алмаштыруу иштеринен улам саат 09:00дөн 17:00гө чейин жарык өчүрүлөт.