Кыргызстандагы соттор "сарайга окшош имараттарда иштеп жатабыз" дейт

Жогорку Кеңештин Сот укуктук маселелер жана мыйзамдуулук комитетинин 21-октябрдагы жыйынына Соттор кеңешинин төрагасынын орун басары Гүлжан Эсеналиева катышууда. Ал сот тармагын өнүктүрүү үчүн 2014-жылга 728 миллион 780 миң сом керек экенин айтты. "Бизге 507 миллион сом бөлүнүүдө, бул жетишсиз",- деген Эсеналиева, соттор иштеген имараттар эскирип бүткөнүн айтты. Ал Баткен, Чоң-Алай райондорундагы сот имараттарынын абалын мисал кылып, аларды сарайга салыштырды. "Биз мындай имараттардан уялабыз, алар сарайга окшош",- деди.