Башкы прокуратурада каралбай жаткан 10 миңдей кылмыш иши бар

Тараптардын сотко келбегендигинен улам Башкы прокуратурада 10 миңдей кылмыш иши каралбай жатат. Муну ЖКнын Сот укуктук маселелер жана мыйзамдуулук комитетинин 21-октябрдагы жыйынында депутат Тынчтык Шайназаров билдирди. Жыйында "КРнын Кылмыш-процессуалдык кодексине өзгөртүү жана толуктоо киргизүү жөнүндө" мыйзам долбоору каралып жатат. Бул мыйзам сот жыйындарына келбеген тараптарды алып келүүгө ички иштер органдарын милдеттендирет. Мыйзам долбоор биринчи окууда колдоо тапты.