Чек ара кызматы: "Саат 9:30га карата чек аранын кыргыз-тажик бөлүгүндө абал туруктуу"

Бүгүн, 2-май саат 9:30га карата мамлекеттик чек аранын кыргыз-тажик бөлүгүндө абал туруктуу деп мүнөздөлөт. Бул тууралуу Мамлекеттик чек ара кызматынан билдиришти.

Маалыматка ылайык, 2-майга караган түнү эч кандай ок атышуу катталган жок. Ош-Исфана унаа жолунда унаалардын кыймылы тоскоолдуксуз жүрүүдө.

"Келишимдерди ишке ашыруу боюнча комиссиянын иш-аракеттерин координациялоо жана эки тараптуу сүйлөшүүлөрдү Кыргыз өлкөсү тарабынан чек ара кызматынын төрагасынын биринчи орун басары полковник Уларбек Шаршеев ишке ашырат", - деп билдиришти чек ара кызматынын басма сөз кызматынан.