"Баламдын кийимин уурдап, сатып жибердиң...". Баткенде бөтөлкөлөшүн сабаган 40 жаштагы тургунга сот өкүм чыгарды

Баткен облусунун Кадамжай районунда 40 жаштагы тургун өзүнүн жакын таанышын мас абалда "сен менин баламдын кийимин уурдап, сатып жибердиң" деп сабап, башына таш менен уруп жиберген. Анын кесепетинен жабырлануучунун ден соолугу начарлап, иш сотко өткөн. Соттук процесс уланып отуруп, айыпталуучуга карата өкүм чыккан. Өкүм Жогорку Соттун расмий сайтына жарыяланды.

Окуянын чоо-жайы:

Окуя 2021-жылдын 16-февралында болгон. Анда Кадамжай районунун Айдаркен шаарынын көчөлөрүнүн биринде өзүнүн 1976-жылы туулган жакшы таанышы менен спирт ичимдигин ичип, пикир келишпестикен уруша кетишкен. Айыпталуучу мас абалда аны "эмне сен менин баламдын кийимин уурдап, сатып жибердиң?" деген шылтоо менен атайын денесине жараат келтирүү максатында ичине уруп, бутуна тээп, жерге жыгылтып, жерде жаткан ташты алып башына уруп, денесине жаракат келтирген.

Экспертизанын корутундусуна ылайык, жабырлануучунун ден соолугунун кыска убакытка бузулушуна алып келген жеңил жараат келтирилип, эмгек утурумдуулугун 7 күндөн 21 күнгө чейинки кыска мөөнөткө бузулушуна алып келген жаракат алган.

Айыпталуучу 1981-жылы Ош облусунда туулган, улуту кыргыз, билими орто, үй-бүлөлүү, Кыргыз жараны, мурда соттолгон эмес. Бүгүнкү күндө Кадамжай районунун Айдаркен шаарында жашайт.

Соттук отурумда жабырлануучу эч кимге доосу жоктугун билдирген

"Мен ал таанышым менен өз ара жарашып алдым, ага карата эч кандай дооматым жок. Кылмыш ишин кыскартууну суранам", - деген ал өз көрсөтмөсүндө.

Сотто айыпталуучу күнөөсүн моюнга алган

"Мен толугу менен күнөөмдү моюнга алам жана кечирим сурайм. Жасаган ишиме өкүнүп жатам. Соттон жазамды кыскартып берүүңүздү сурайм", - деген ал.

Өкүм: