Тышкы иштер министри Шэньси провинциясынын губернатору менен кызматташуу тууралуу сүйлөштү

Кытайга болгон иш сапарынын алкагында тышкы иштер министри Руслан Казакбаев Шэньси провинциясынын губернатору Чжао Иде менен жолугушту. Бул тууралуу аталган министрликтин басма сөз кызматынан билдиришти.

Жолугушуунун жүрүшүндө тараптар Кыргыз мамлекетинин региондору менен Шэньси провинциясынын ортосундагы соода жана электрондук коммерция, саламаттыкты сактоо, билим берүү, гуманитардык алмашуу, туризм, Кыргыз мамлекетинен Кытайга айыл чарба продукцияларын экспорттоону илгерилетүү жаатында кызматташуу, ошондой эле Кыргыз өлкөсүнүн экономикасына Шэньси провинциясынан инвесторлорду тартуу маселелерин талкуулашты.

Чүй облусу менен Шэньси провинциясынын, Ош менен Сиань шаарларынын, Москва району менен Янлин айыл чарба демонстрациялык зонасынын ортосунда орнотулган боордоштук мамилелерди бекемдөөнүн гана эмес, ошондой эле жаңы бир туугандык мамилелерди түзүүнүн маанилүүлүгү баса белгиленди. Региондор аралык кызматташтык Кытайдын "Бир алкак – бир жол" демилгесинин илгерилетүүгө гана өбөлгө түзөт.

Кыргыз тарабы Шэньси провинциясынын элдик өкмөтүнө жана Сиань шаарына COVID-19га каршы күрөштө көрсөткөн гуманитардык жардамы үчүн ыраазычылыгын билдирди.