"Түндүк электр" үй-тиричилик муктаждыктары үчүн үч фазалуу киргизүүгө техникалык шарттарды берүүнү токтотту

"Түндүк электр" ишканасы үй-тиричилик муктаждыктары үчүн үч фазалуу киргизүүгө техникалык шарттарды берүүнү токтотту. Бул тууралуу аталган мекеменин басма сөз кызматынан билдиришти.

Маалыматка ылайык, суу жана энергетикалык ресурстарды сарамжалдуу пайдалануу үчүн, ошондой эле электр энергиясын керектөө чектерин сактоо үчүн өкмөт тарабынан белгиленген ушул жылдын 12-майынан 2022-жылдын 1-апрелине чейин "Түндүк электр" техникалык шарттарды кабыл алууну жана берүүнү токтото турат.

Алар: Үч фазалуу тиричилик керектөөчүлөрүнө туташтыруу үчүн;

- турак жай керектөөчүлөрү үчүн уруксат берилген кубаттуулукту жогорулатууга.

Мындай чаралар алдыдагы күз-кыш мезгилин ийгиликтүү өткөрүү үчүн, ошондой эле калкты электр энергиясы менен үзгүлтүксүз камсыз кылуу үчүн көрүлгөн.