Эмомали Рахмон Садыр Жапаровду Орозо айт майрамы менен куттуктады

"Планетабыздагы бардык мусулмандар үчүн берекелүү болгон ушул күндөрдө сизге Жараткандан чың ден соолук, бакыт-таалай жана албан ийгиликтерди, ал эми боордош Кыргыз элине бакубатчылык, тынчтык, туруктуулук жана өнүгүү тилейм.

Биздин өлкөлөрдүн ортосундагы достук жана кызматташтык мамилелер биргелешкен аракеттерибиздин жана акыйкат ислам дининин жогорку баалуулуктарынын, анын ичинде өз ара түшүнүшүүнүн, тилектештиктин, сабырдуулуктун, ынак коңшулуктун, ошондой эле өз ара колдоонун негизинде эки элдин жыргалчылыгы үчүн өнүгө берет", - деп айтылат Эмомали Рахмондун куттуктоосунда.