Казакстандын президенти Касым-Жомарт Токаев кыргыз элин жана президентти Орозо айт майрамы менен куттуктады

Казакстан Республикасынын президенти Касым-Жомарт Токаев Кыргыз элин жана президент Садыр Жапаровду Орозо айт майрамы менен куттуктады. Бул тууралуу президенттик аппараттан билдиришти.

"Чексиз мээримдүүлүк менен кайрымдуулукка бөлөнгөн бул берекелүү күндөрдө сизге бекем ден соолук, түгөнгүс энергия жана бардык ой-тилектердин ийгиликтүү орундалышын, боордош Кыргызстандын ар бир үй-бүлө очогунда бакубатчылыкты жана өсүп-өнүгүүнү каалайм.

Кыргыз-казак стратегиялык өнөктөштүгү биргелешкен күч-аракеттер менен достук, ынак коңшулук жана өз ара колдоо духунда мындан ары да динамикалуу өнүгө берет деп ишенем", - деп белгиленет куттуктоо телеграммасында.