Каныбек Осмоналиев: "Алмаз Бешеналиевди башка кызматка дайындоо боюнча президенттин планы бар болуш керек"

SUPER.KG порталынын #ГалстукТар​ долбоорунун кезектеги коногу Министрлер кабинетинин төрагасынын кеңешчиси Каныбек Осмоналиев болду.

Ал жаңы келген билим берүү жана илим министри тууралуу пикирин айтты. "Болотбек Купешевду көп жылдардан бери тааныйм. Ал орус тилинен мугалим. Мектепте иштеген, директор болуп эки мектепти көтөргөн. Саясий бийликтин демилгеси менен жооптуу кызматтарга барып, аким болду. Аким болгон учурда дагы мектептерден башы чыкчу эмес. Министр болуп келгени таң калтырган жок. Алмаз Бейшеналиев тууралуу айта турган болсом, ал жаңы муундун эң алдыңкы өкүлдөрүнүн бири. Анын тажрыйбасы чоң. Бейшеналиевдин келечеги дагы алдыда деп ойлойм. Алмаз Бешеналиевди башка кызматка дайындоо боюнча президент менен Министрлер кабинетинин төрагасынын планы бар болуш керек", - деди ал.