Жогорку Кеңештин төрагасы кыргыз элин Орозо айт майрамы менен куттуктады

Жогорку Кеңештин төрагасы Талант Мамытов кыргыз элин Орозо айт майрамы менен куттуктады. Бул тууралуу парламенттин басма сөз кызматынан билдиришти.

"Бир ай аралыгында көпчүлүк Кыргыз жарандары орозо тутуп, ишенимин бекемдөө аркылуу өлкөбүз үчүн тынчтыкты жана ынтымакты тилек кылышты. Жараткан кармаган орозоңуздарды кабыл кылып, бардык тилек-үмүттөрүңүздөргө жеткирсин!

Орозо айт – отуз күн туткан ыйык орозобуздун руханий тазаруу, боорукердик, кайрымдуулук сыяктуу ѳзгѳчѳ касиеттерин жалпыга жайылтат. Бул майрам мусулмандарды баш коштуруп, дилин бириктирип, боордоштук, бир туугандык байланыштарын чыңдайт, жалпы дүйнѳнү кайрымдуулукка үндөйт.

Жараткан ар бириңиздерге бакыт жана бакубатчылык тартуулап, мамлекетибизге биримдик жана ынтымак алып келсин! Кыргыз өлкөбүз өнүгүп, жергебизде тынчтык болсун", - деп жазылат куттуктоодо.