"Бирөөнүн бактысына бакыт тилеп коюш кээ бирөөлөргө өтө кыйын". Ырчы Анжелика сүйүктүүсү менен кайрадан бирге экенин айтты

Ырчы Анжелика сүйүктүүсү менен жараштыбы? Ал Инстаграм баракчасына гүл кармаган видеосун жарыялап, астына төмөндөгүдөй билдирүү жазган.

"Билем, гүл кармап, назданып түшкөн сүрөттөр көптөрдүн кыжырын келтирет. Бирөөнүн бактысына бакыт тилеп коюш кээ бирөөлөргө өтө кыйын. Бирок биз кооз сүрөт, жакшы сезимдерди камтыган көрүнүштөрдөн эргүү алып, өзүбүзгө дагы ошол нерселерди чакырышыбыз керек. Мен күндө уктаар алдында жакшы амалдарды, кооз жерлерди, үйлөрдү, түгөйлөрдү, гүлдөрдү карап, суктанып эргүү алам.
Анан ал сөзсүз аткарыларына ишенем. Себеби аткарылып келе жатат. Жаратканыбыз сураганыбыздын баарын берет экен. Болгону, чоң каалоо керек", - деп жазган ырчы.

Ушул жылдын февраль айында ырчы Instagram баракчасына жашоосунан эки негизги адамын чийип салганын, анын бири сүйүктүүсү экенин айткан. Ырчы айымдын айтымында, ага бул чечимди кабыл алуу оңой болгон эмес жана ал бул сыноо үчүн Кудайга ыраазычылык билдирген.

Ал эми өткөн жылдын ноябрь айында ал ар бир айдын 12-датасында гүл аларын, сүйүктүүсү экөө өздөрүнүн тарыхы үчүн сүрөткө түшөрүн жазган.

"Сен менден, мен сенден коркобуз... 42 айдан бери миллиондон ашуун роза гүлдөрүн тартууладың, 16 жылдан бери мени тааныйсың. Чыныгы эгоисттердей өзүбүз менен өзүбүз жашайбыз... Сен көз күйдүргөн бойдок, а мен эркин куштаймын. Бири-бирибиз менен көрүшпөйбүз дагы деле. Мына сага романтика", - деген билдирүүсүндө.