Акыркы 10 жылда үйлөнгөндөр азайган... Бир жылда канча түгөй баш кошуп, канчасы "эки жолго" түшөт? (статистика)

Кыргыз баласынын, кызынын дүйнө таанымында үй-бүлө деген сөздү укканда алгач эле ак жоолук салынган апа, калпак кийген ата, анан дагы чоң ата, чоң эне неберелери менен дасторкондо отурганы көз алдыбызга келери анык. Үй-бүлө куруу оңой болбогондой эле аны сактап калуу дагы эбегейсиз эркти, жоопкерчиликти талап кылат эмеспи.

Жыл сайын миңдеген таттуу түгөйлөр баш кошуп, ата-энесин, жакындарын кубантат. Улуттук статистика комитетинин маалыматына ылайык, акыркы он жыл аралыгында никеге тургандардын саны азайганы байкалат. Анда 2011-жылы 56 миң 509 түгөй баш кошсо, 2020-жылы 39 миң 747 түгөй никеге турган.

Өлкө аймагында никеге тургандардын саны

Никелешүүлөрдүн саны
Жыл	2011	2012	2013	2014	2015	2016	2017	2018	2019	2020
Өлкө боюнча	56509	55176	53578	54 942	52 043	47 837	43 350	49 579	49 431	39 747
Баткен облусу	5 308	5 058	5 153	4 873	4 634	4 408	3 834	4 391	4 900	3 394
Жалал-Абад облусу	11278	10613	10588	10 898	10 162	9 183	8 248	9 726	9 754	7 952
Ысык-Көл облусу	4 276	4 537	4 082	4 430	4 280	3 730	3 352	3 722	3 392	2 842
Нарын облусу	2 886	2 970	2 353	2 435	2 394	1 971	1 750	1 932	1 705	1 605
Ош облусу	13990	12905	12620	12 977	12 114	10 550	9 936	11 464	11 563	8 515
Талас облусу	2 583	2 670	2 319	2 524	2 186	1 960	1 750	1 699	1 654	1 487
Чүй облусу	7 400	7 388	7 133	7 536	7 170	6 459	5 883	6 875	6 571	5 525
Бишкек шаары	6 531	7 023	7 228	6 995	7 018	7 412	6 604	7 704	7 937	6 693
Ош шаары	2 257	2 012	2 102	2 274	2 085	2164	1993	2066	1 955	1 734

Тилекке каршы, миңдеген түгөйлөр турмуштун ар түрдүү кыйынчылыктардын, сыноолордун айынан ажырашып, эки жолго түшкөндөр дагы аз эмес. Улуттук статистика комитетинин маалыматына караганда, акыркы 10 жыл ичинде ажырашуулардын саны 2019-жылы эң көп катталганы (10 миң 992) көрүнүп турат. Ошондой эле 10 жыл ичинде ажырашуулардын саны көбөйгөнүн байкоого болот.

Аймактар боюнча ажырашуулардын саны

Ажырашуулардын саны
Жыл	2011	2012	2013	2014	2015	2016	2017	2018	2019	2020
Өлкө боюнча	8 705	8 698	9 052	9 235	8 588	9 102	9 588	10 434	10 992	9 128
Баткен облусу	523	506	606	569	571	562	628	736	822	630
Жалал-Абад облусу	1 153	1 153	1 216	1 378	1 379	1 293	1 518	1 559	1 765	1 463
Ысык-Көл облусу	740	792	796	776	819	776	931	1 026	995	831
Нарын облусу	332	352	370	419	432	422	459	520	527	423
Ош облусу	1 162	1 152	1 261	1 368	1 288	1 439	1 450	1 651	1 762	1 521
Талас облусу	390	423	395	403	352	409	419	492	484	395
Чүй облусу	2 084	2 108	2 174	2 081	1 806	1 807	1 795	1 814	1 931	1 613
Бишкек шаары	1 835	1 774	1 771	1 820	1 519	1 922	1 941	2 163	2 192	1 854
Ош шаары	486	438	463	421	422	472	447	473	514	398

15-май - Үй-бүлөнүн эл аралык күнү

Үй-бүлөнүн эл аралык күнү Бириккен улуттар уюмунун 1993-жылкы Башкы ассамблеясында кабыл алынган. Үй-бүлө коомдун негизги элементи катары адамзат баалуулук казынасынын кызматын аткарып, маданий жана тарыхый дөөлөттү муундан-муунга мураска калтырууда алмашкыс роль ойнойт. Үй-бүлө канчалык бекем болсо, мамлекеттин да экономикалык күч-кубаты көтөрүлөт. Ошондуктан үй-бүлөнүн абалына жараша мамлекеттин өнүгүү деңгээли аныкталат.

Өлкөбүздө ар бир үй-бүлө бактылуу болуп, келечек ээлерине татыктуу тарбия беришин каалайбыз.