Иса Өмүркуловдун уулу катышкан жол кырсыгы. Окуя болгон жерден тартылганы айтылган видео тарады

Буга чейин депутат Иса Өмүркуловдун уулу Азамат Исаев велосипедчен жүргүнчүнү сүзүп кеткени белгилүү болгон. Социалдык тармактарда тарап жаткан видео аталган кырсык болгон жерден тартылганы белгиленген.

Видеодон ак түстөгү "Порше" үлгүсүндөгү унааны көрүүгө, ал жердеги адамдардын айдоочу мас абалында болгондугун айтып жатканын угууга болот.

Айрым маалымат булактары экспертиза Азамат Исаевдин организминде наркотикалык зат бар экенин көрсөткөнүн жазышууда.

Расмий органдардан окуя тууралуу толук маалымат алууга азырынча мүмкүн боло элек.