Түштүк Африкада аялдарга бир эле учурда бир нече күйөөгө чыгууга уруксат берилгени жатат

Түштүк Африкада нике институтун реформалоо даярдалып жатат, бул аялга бир эле учурда бир нече күйөөгө тийүү (полиандрия) укугун берет. Тиешелүү мыйзам долбоору республиканын өкмөтү тарабынан жарыяланган. Бул тууралуу чет элдик басылмалар жазышты.

Маалыматка ылайык, учурдагы мыйзамдардын негизинде, Түштүк Африка Республикасынын эркектери бир нече аял ала алышат, ал эми аялдар мындай мүмкүнчүлүктөн ажыратылган. Ички иштер министрлиги тарабынан даярдалган азыркы мыйзам долбоору аялдар менен эркектердин ортосундагы социалдык теңчиликти орнотуу менен ушул адилетсиздикти жоюуга багытталган.

Документке берилген департаменттин түшүндүрмөсүндө полиандрияны мыйзамдаштыруу чечими гендердик теңчилик маселесин терең жана кылдат изилдөөнүн натыйжасы болгон деп белгиленет.

"Өлкөдө көп аялдуулуктун болушу аялга ушундай укук берилип, анын мыйзамдуу жол менен бир нече күйөөсү болушун талап кылат" деген бийлик өкүлү.

Эми нике жөнүндө жаңы мыйзамдын долбоору коомдук талкууга коюлуп, июнь айынын аягына чейин уланат.

Түштүк Африка Республикасынын мурдагы президенти Жейкоб Зуманын мыйзамдуу түрдө төрт аялы бар.