БШК Бишкек аймактык шайлоо комиссиясынын шайлоонун жыйынтыгын жокко чыгаруу чечимин колдоду

Борбордук шайлоо комиссиясы Бишкек аймактык шайлоо комиссиясынын шаардык кеңештин депутаттарын шайлоонун жыйынтыгын жокко чыгаруу боюнча чечимин колдоду.

Борбордук шайлоо комиссиясынын төрайымынын орун басары Абдыжапар Бекматовдун айтымында, шайлоо күнү жана шайлоо өнөктүгүндө мыйзам бузуулар жөнүндө 400дөн ашык билдирүү келип түшкөн.

"Борбордук шайлоо комиссиясынын жумушчу тобу 11-апрелде өткөн шайлоонун жыйынтыгын жокко чыгарды. Биз бул боюнча президент Садыр Жапаровго кат жолдодук. Алдыда кайрадан шайлоо өткөрүү күнү белгиленет", - деди Бекматов.