АФК Кубогу: "Алай" клубу тажик командасына жеңилип калды

Тажикстандын Дүйшөмбү шаарында АФК Кубогунун тайпалык баскычынын алкагында жергиликтүү "Худжанд" клубу менен Ош шаарынын "Алай" командасы кез келди.

Беттештин 27-мүнөтүндө талаа ээлеринин оючусу Дильшод Бозоров гол жаратып, өз командасын алдыга сүйрөп чыкты. Ал эми 50-мүнөттө жаралган Абдулмумин Забировдун голу эсеп санын 2:0гө айлантты. Беттештин соңкү көз ирмемдеринде жергиликтүү команданын оюнчулары 3-голун жаратып, бирок офсайд абалына байланыштуу аталган гол эсепке алынган жок.

Жыйынтыгында "Алай" футболдук клубу тайпалык баскычтагы бардык оюндарда жеңилүү ызасын тартып, F тайпасындагы акыркы - 4-орунга жайгашты. 3 оюнда 9 упай топтогон Өзбекстандын "Насаф" клубу тайпанын жеңүүчүсү аталса, 2-орунга "Худжанд", 3-орунга түркмөнстандык "Алтын Асыр" командасы ээ болду.