Дүйнөлүк саламаттыкты сактоо уюму жарандарды чет өлкөгө чыкпай турууга чакырды

COVID-19 илдети дагы деле болсо коркунучтуу, ошондуктан адамдар мүмкүн болушунча чет өлкөгө чыкпай турушу керек. Мындай пикирди Дүйнөлүк саламаттыкты сактоо уюмунун Европа бөлүмүнүн башчысы Ханс Клюге билдиргенин чет элдик басылмалар жазышты.

"Учурда коркунуч сакталып турат. Биз кылдаттык менен иш алып барып, чет өлкөлөргө саякаттоо пландарын карап чыгып же андан баш тартышыбыз керек", - деген Клюге.

Клюге Европада COVID-19 инфекциясынын очоктору сакталып кала берерин, эгер бийлик этияттык чараларын көрбөсө, тездик менен жайылышы мүмкүн экендигин баса белгилеген.

Мындан тышкары ал ДССУнун маалыматы боюнча, COVID-19га каршы вакциналар белгилүү болгон бардык штаммдарга каршы иштей тургандыгын кошумчалаган.