Адилет Жанузаков президенттин администрациясынын коргоо, укуктук тартип жана өзгөчө кырдаалдар бөлүмүнүн башчысы болуп дайындалды

Президент Садыр Жапаров кол койгон жарлыктарга ылайык, президенттин администрациясынын бир катар түзүмдүк бөлүмдөрүнүн жетекчилери дайындалды. Бул тууралуу президенттин маалымат кызматынан билдиришти.

Мамлекет башчынын жарлыктарына ылайык:

— Жанузаков Адилет Канатович президенттин администрациясынын коргоо, укук тартиби жана өзгөчө кырдаалдар бөлүмүнүн башчысы болуп дайындалды;

— Сазыков Эркин Орозбекович президенттин администрациясынын маалыматтык саясат кызматынын талдоо иштери жана маалыматтык камсыздоо бөлүмүнүн башчысы болуп дайындалды;

— Бөрүбаев Назирбек Нарматович президенттин администрациясынын Министрлер кабинетинин чек ара маселелери боюнча атайын өкүлү болуп дайындалды.