"Биз үчүнчү толкунду жеңдик". Венгрияда коменданттык саат жана бет кап кийүү режими алынат

Венгрияда коменданттык саат жана бет кап кийүү режими алынды. Бул тууралуу чет элдик басылмалар жазып чыгышты.

Маалыматка ылайык, Венгрияда 4,8 миллиондон ашуун адам коронавируска каршы эмдөө алган. Дем алыш күндөрү эмдөө алгандардын саны 5 миллионго жетерин билдирген аталган өлкөнүн премьер-министри Виктор Орбан.

"Демек, биз үчүнчү толкунду жеңдик. Венгрия бүгүнкү күндө эпидемиядан башка Батыш өлкөлөрүнө караганда көбүрөөк иммунитетке ээ", - деп билдирген Орбан.

Венгрияда эмдөө алган адамдардын санынын көбөйүшүнө байланыштуу чектөөлөр этап-этабы менен алып салынат.

• Коменданттык саат алынаат
• Ресторандар менен дүкөндөр кайрадан өз ишин баштайт
• Бет кап тагынуу алып салынат
• Массалык иш-чараларды жана үлпөт тойлорун өткөрүүгө уруксат берилет
• Таза абада спорт менен машыгууга уруксат берилди
• Маданий иш-чараларга коопсуздук күбөлүгү менен жетүүгө болот;
• Вируска каршы эмдөө алган өспүрүмдөр иш-чараларга катыша алышат.
  Бирок буларга качан уруксат бериле тургандыгы азырынча белгисиз.