Улукбек Марипов Өзбекстандын премьер-министри менен эки тараптуу кызматташуу тууралуу сүйлөштү

Министрлер кабинетинин төрагасы Улукбек Марипов Өзбекстандын премьер-министри Абдулла Арипов менен телефон аркылуу сүйлөштү. Бул тууралуу министрлер кабинетинин басма сөз кызматынан билдиришти.

Маалыматка ылайык, Улукбек Марипов Абдулла Ариповду 60 жылдык юбилейи менен куттуктап, Өзбекстандын бакубат гүлдөп-өнүгүүсү үчүн жоопкерчиликтүү мамлекеттик кызматында ийгиликтерди каалады.

Тараптар эки тараптуу кызматташтыктын актуалдуу маселелери боюнча пикир алмашып, ошондой эле стратегиялык өнөктөштүк жана достук маанайдагы коңшулук мамилелерди чыңдоого жана кеңейтүүгө болгон ниетин тастыктады.