АКШнын вице-президенти Камала Харрис өзүнүн жүрүм-туруму менен Түштүк Кореянын президентин шылдыңдады

АКШнын вице-президенти Камала Харрис брифинг учурунда Түштүк Кореянын президенти Мун Чжэ Ин менен кол алышкандан кийин колун костюмуна сүртүп жиберген. Бул тууралуу чет элдик маалымат каражаттары жазып чыгышты.

Маалыматка ылайык, бул ишаратты Ак үйдүн YouTube каналына жарыяланган видеодон, каналдын катталуучулары байкап калышкан. Кийинчерээк, видеодогу комментарийлер өчүрүлгөн. Анда катталуучулар АКШнын вице-президентине ар кандай сындарды жаадырган. Алар Харристе адептүүлүк жана сылыктык жок деп айыптаганы жазылат маалыматта.

Камала Харрис президент Жо Байден менен чогуу кызматка киришкен. Ага чейин Харрис Калифорниянын Башкы прокурору, ошондой эле ушул штаттан сенатору болуп иштеген.