Африкада атылган жанар тоонун кесепетинен каза болгондордун саны 32ге жетти

Африкадагы жанар тоонун атылышынан улам каза болгондордун саны 32ге жетти. Бул тууралуу чет элдик басылмалар жазышууда.

Маалыматка ылайык, Конго Демократиялык Республикасындагы Ньирагонго жанар тоосунун атылуусу 22-май күнү кечинде башталган.

"Бийлик өкүлдөрүнүн маалыматына ылайык, кырсыктан каза болгондордун саны 32ге жетти. Көз жумгандардын саны мындан да көп болушу мүмкүн", - деп айтылат маалыматта.

Ньирагонго жанар тоосу Гома шаарына жакын жайгашкан. Аталган шаардын калкынын саны 1 жарым миллионго жакын. Белгиленгендей, тургундар турак жайларын таштап, Руанда өлкөсү тарапка качып кетип жатышат.