Тихановская Беларуста жаңы нааразычылык акцияларын даярдап жаткандыгын жарыялады

Беларуста нааразычылыктардын жаңы толкуну даярдалып жатат. Бул тууралуу Беларустун мурдагы президенттикке талапкери Светлана Тихановскаяга шилтеме берүү менен чет элдик басылмалар жазышты.

"Биз нааразычылык акциясынын жаңы жигердүү этабына даярдана баштадык" деген ал YouTube каналына жарыяланган видео кайрылуусунда.

Тихановская өлкөнүн жарандары үчүн “саясий туткундарды” бошотуу жана “зомбулукту токтотуу” үчүн колдон келгендин бардыгын жасоо маанилүү экендигин кошумчалаган.

Эскерте кетсек, 2020-жылдын август айында Беларустагы өткөн президенттик шайлоонун расмий жыйынтыгы жарыяланган. Анда учурдагы мамлекет башчысы Александр Лукашенко жеңип чыгып, анын атаандашы Светлана Тихановская экинчи сапка чыккан.

Шайлоонун жыйынтыгына макул эмес тарап нааразычылык акциясын уюштуруп, эл менен полициянын ортосунда кагылышуу орун алган. Акция учурунда адам өмүрү кыйылып, үч миңдей адам кармалган.