Жогорку Кеңештин тийиштүү комитети Талас облустук драма театрдын курулушун көзөмөлдөйт

Жогорку Кеңештин билим берүү, илим, маданият жана спорт боюнча комитети 2007-жылы курулушу башталып бүтпөй жаткан Талас облустук драма театрынын курулушун көзөмөлдөйт. Бул тууралуу 23-октябрда  Жогорку Кеңештин басма сөз кызматынан билдиришти. Комитеттин облуста өткөн кезектеги көчмө жыйынында өкмөттүн Талас облусундагы ыйгарым укуктуу өкүлү Койсун Курманалиева социалдык объектилер боюнча маалымат берип, кемчиликтерди жоюуда жана оңдоп-түзөө иштерин жүргүзүүдө тармактык комитеттин колдоосуна муктаж экенин баса белгиледи. Ошондой эле жыйында бала бакча, архив кызматкерлеринин маянасынын аздыгы өңдүү суроо-талаптар менен ар кандай сунуш, пикирлер айтылып, соңунда айтылган сунуштарды Өкмөткө жолдоо боюнча чечим кабыл алынды.