ЖЫЛНААМА, 31-МАЙ: Сары чачтуу айымдардын дүйнөлүк майрамы

31-май - Сары чачтуу айымдардын дүйнөлүк майрамы.

Сары чачтуу же “блондинка” айымдардын дүйнөлүк майрамы. “Блондин” “blondine, blond” француз сөзү, которулганда “ачык түс” дегенди түшүндүрөт. Бул күн 2006-жылдан бери белгиленип, көп жерлерде бул майрамда сары чачтуу айымдар үчүн түрдүү сынактар уюштурулуп келет.

Алгач бул майрамды 2001-жылы Америка Кошмо Штаттарынын сары чачтын ээси болгон айымдар белгилей башташкан. Алар ой жүгүртүүсүнүн төмөн эместигин белгилеп, алардын дарегине айтылып келген тамашаларды жокко чыгаргылары келген. Бир аз убакыттан кийин бул майрам дүйнө жүзү боюнча белгиленип баштаган.

Окумуштуулардын изилдөөлөрү боюнча, 2202-жылы дүйнө жүзү боюнча сары чачтуулар жок болот. Алар анын себебин бала сары чачтуу болуп төрөлүш үчүн ата-энеси экөө тең сары чачтуу болушу керек деп түшүндүрүшкөн.