Милиция жарандарды "лайк" басарда этият болууга чакырды

Бишкектин Ленин РИИБинин кызматкерлери жарандарга социалдык тармактарда экстремисттик билдирүүлөр тарап жатканын айтып, маалыматтарды бөлүшүүдө "жакты" белгисин коюуда этият болууга чакырат. Мекеменин кызматкерлери тараткан социалдык роликте экстремисттик маанидеги билдирүүлөрдү бөлүшүү менен кылмыш жоопкерчилигине тартылуу каралганы көрсөтүлөт.

"Интернет бизди пайдалуу маалыматтар менен камсыздайт. Бирок ошол эле учурда ишенчээк адамдарды коркунучка түртөт. Укук коргоочулар экстремисттик маани-мазмундагы билдирүүлөрдү жайылтып, социалдык тармактар аркылуу таратуу кылмыш экенин белгилейт", - деп айтылат билдирүүдө.