Ахматбек Келдибеков өкмөт башчыга: "Жигитче отставкага кетип калыңыз же парламентти таркатуу демилгесин көтөрүңүз"

Жогорку Кеңеште депутаттар өкмөт башчыны отставкага кетирүү же парламенттеги коалициялык көпчүлүктү таратуу керек дешүүдө. Депутат Бакыт Төрөбаев ушундай сунуш келтирди.  

Ал эми Ахматбек Келдибеков өкмөт башчыга кайрылып: "Сиз "Кумтөр" боюнча сүйлөшүүнү улантканыңыз менен эч качан үлүшүбүздү 67 пайыз кыла албайсыз. Анткени азыр колу-бутуңуз байлануу. Жигитче отставкага кетип калыңыз же укугуңузду пайдаланып парламентти таратуу демилгесин көтөрүңүз. Эгер андай кылбасаңыз аягында бул иш боюнча өзүңүз күнөөлүү болуп каласыз",- деди. "Ата Журт" фракциясы "Кумтөр" боюнча келишимдерден бир тараптуу чыгуу керек деген позицияны карманууда. Анткени ушундан кийин гана өкмөттүн пайызды 67 пайызга жеткиришине жол ачылат.