Кыргыз мушкери Дастан Шаршеев беттешке чакырган тажик мушкерине экинчи ирет кайрылды (видео)

Кыргыз мушкери Дастан Шаршеев беттешке чакырган тажикстандык мушкер Умед Музофирбековго экинчи ирет кайрылды. Кайрылууну кыргыз мушкери Instagram баракчасынын "Stories" бөлүмүнө жүктөдү.

"Мен Умедге карылат элем. Башка Тажик жарандарына эч кандай доом жок. Умед сен мени беттешке чакырганыңдан бер үч жума өтүп кетти. Ар бир адам эле айта алат, бирок айткан сөзгө жооп бериш керек. Сен Тажикстандын чыныгы уулу экениңди айткансың. Бирок сен мага келишим сунуштай алган жоксуң. Бул маселени чеч же адашып калдым деп айт. Ар бир адам адашат. Мен түшүнөм", - деди Шаршеев.

Кыргыз мушкеринин бул кайрылуусуна азырынча тажикстандык мушкер жооп бере элек.

Буга чейин дагы Дастан Шаршеев Умед Музофирбековго беттеш качан болорун сурап, кайрылуу жасаган. Арадан көп убакыт өтпөй, тажик мушкери ага жооп берген.