Акыркы суткада 10 медицина кызматкери коронавирус жуктуруп алды

Бир сутка ичинде өлкө боюнча 10 медицина кызматкери коронавирус жуктуруп алганы аныкталды. Бул тууралуу саламаттыкты сактоо жана социалдык өнүктүрүү министринин орун басары Жалалидин Рахматуллаев брифинг берип жатып айтты.

Министрдин орун басарынын маалыматына караганда, илдет жуктургандардын арасында бири кызыл зонада катталды.

Бишкек шаары - 2;
Ош шаары – 6;
Жалал-Абад облусу – 1;
Баткен облусу – 1.

Өлкө боюнча коронавирус инфекциясы медицина тармагынын 4 миң 766 кызматкеринен аныкталса, алардын ичинен 4 миң 638и сакайды.