Казакстан Тажикстанга көрсөтүлгөн аскердик-техникалык жардам боюнча түшүндүрмө берди

Казакстандын Коргоо министрлиги Тажикстанга жана Кыргыз өлкөсүнө көрсөтүлгөн аскердик-техникалык жардам боюнча комментарий берди. Бул тууралуу аталган өлкөнүн жергиликтүү басылмалары жазып чыгышты.

Маалыматта жазылгандай, Тажикстандын коргоо министрлиги Тажик-Ооган аймагындагы кырдаал кыйындаганынан улам Казакстандан 2019-жылы аскердик-техникалык жардам сурап кайрылган. Буга байланыштуу 2021-жылы 17-апрелде өкмөттөр аралык келишимге кол коюлган.

Мындан тышкары Казакстандын Коргоо министрлиги Кыргыз өлкөсү менен 2-мартта анонимдүү келишим түзүлгөнүн билдирген.

"Тактап айтканда, Кыргыз өлкөсү жана Тажикстан менен түзүлгөн келишим чек ара маселеси чыкканга чейин эле каралган. Учурда түзүлгөн келишимдердин ратификациялоо иштери улантылууда", - деп жазылат коңшу өлкөнүн басылмаларында.

Ошондой эле Казакстан Кыргыз-Тажик чек ара талаш-тартышын күчөтүү ниети жок экендигин кошумчалашкан.

Буга чейин Казакстан парламентинин Мажилисинде "Казакстандын өкмөтү менен Тажикстандын өкмөтүнүн ортосундагы акысыз аскердик-техникалык жардам көрсөтүү жөнүндө макулдашууну ратификациялоо тууралуу" Казакстандын мыйзам долбоору каралганы маалымдалган.