Түштүк Африкада 37 жаштагы келин бир төрөгөндө 10 ымыркайды жарыкка алып келди

Түштүк Африка Республикасында 37 жаштагы Госиаме Ситхоул аттуу аял бир төрөгөндө эле 10 ымыркайды жарыкка алып келди. Муну менен ал буга чейин 9 ымыркай төрөгөн африкалык аялдын рекордун жаңылады. Бул тууралуу дүйнөлүк басылмаларда жазылды.

Андагы маалыматка таяна турган болсок, Госиаме Ситхоул 7-июнда 7 уул, 3 кыз төрөгөн. Алгач УЗИден 6 ымыркай деп чыккан, буга болочок ата-эне аябай таң калышкан. Кийинчерээк дарыгерлер дагы 2 ымыркай бар экенин айтышкан, ата-эне 8 наристенин жарыкка келишин күтүп жатышкан. Бирок төрөт учурунда 10 ымыркай төрөлгөн. Дарыгерлер бардык ымыркайлардын өмүрүн сактап калуу үчүн кесарево жолу менен төрөтүшкөн.

Маалым болгондой, ата-эненин жаңы төрөлгөн ымыркайлардан сырткары 6 жашар эгиз уулдары бар.