Азия өлкөлөрүндө ак илбирстин саны боюнча Кыргызстан 5-орунда турат

Жогорку Кеңештин 24-октябрдагы жыйынында Мамлекеттик айлана -чөйрөнү коргоо жана токой чарба агенттигинин директору Сабир Атажанов "Ак илбирстин саны боюнча  Азия мамлекеттеринин арасында Кыргызстан 5-орунда турат" деп билдирди. Депутаттар "Бонн шаарында 1979-жылдын 23-июнунда жер которуучу жапайы жаныбарларды сактоо боюнча Конвенцияга Кыргыз Республикасынын кошулуусу" тууралуу мыйзам долбоорун карап жатышат. Мындан сырткары Кытай биринчи орунда турганы белгилүү болду. Акыркы жылдары Кыргызстандагы ак илбирстин саны 1300дөн 250гө чейин кыскарып кеткен.