"Кыргыз темир жолунун" мурдагы директору Василий Дашков 8-августка чейин камакка алынды

"Кыргыз темир жолунун" мурдагы директору Василий Дашков УКМКнын СИЗОсуна камакка алынды. Бул тууралуу SUPER.KG порталына Биринчи Май райондук сотунун маалымат кызматынан билдиришти.

Маалыматка ылайык, Биринчи Май райондук соту бүгүн, 10-июнь күнү Дашковдун баш коргоо чарасын карады. Жыйынтыгында ал 8-августка чейин СИЗО-1ге камакка алынды.

Эске салсак, буга чейин, 9-июнда УКМК Дашковдун кармалганын маалымдаган. Ал "Кыргыз темир жолу" ишканасын башкарып турганда миллиард сомдон ашуун акчаны жеке компанияга мыйзамсыз которгону аныкталган. Анын мамлекетке келтирген зыяны 1 миллиард 500 миллион сомго бааланган.

Василий Дашков ээлеген кызматынан 25-мартта бошотулган. Буга чейин иликтөөчү журналисттер аталган тармактагы тендерлерди Дашковдун өзүнүн компаниялары утуп келгендигин жарыялаган болчу.