"Дарбазачылар дагы оюнга чыкпайт". Бүгүн "Ак шумкарлар" Мьянма курамасына каршы беттешет

Бүгүн, 11-июнда футбол боюнча Кыргыз улуттук курама командасы Дүйнө чемпиондугуна тандап алуу оюнунун алкагында Япониянын Осака шаарында Мьянма курамасына каршы беттешет.

Бүгүнкү оюнда Кыргыз курамасы кайрадан дарбазачысы жок талаага чыгат. Бул тууралуу Кыргыз футбол союзу кабарлады.

"Сары тизмеге" кирген оюнчулар командадан бөлөк машыгууларды өткөрүштү, чектөөлөр үчүн алар бүгүнкү оюнга катыша алышпайт.

Бул "сары тизмеге" кирген оюнчулар: коргоочу Валерий Кичин, жарым коргоочу Бекжан Сагынбаев, дарбазачылар - Валерий Кашуба, Кутман Кадырбеков жана Эржан Токатаев", - деп билдирди КФС.

Мындан тышкары, негизги курамдагы Кайрат Жыргалбек уулу жана Тамирлан Козубаев сары айып кагаздардан улам бул оюнга да катышышпайт.

"Ак шумкарлар" бүгүн жеңиш керек!

SUPER.KG порталынан Кыргыз өлкөсү - Мьянма беттешин онлайн окусаңыз болот.

Оюн Бишкек убактысы боюнча саат 13:00дө башталат.