"Футбол сүйүүчүлөрү үчүн бир ай майрам". Бүгүн Римде "Евро-2020" турнири старт алат

Бүгүн, 11-июнда Италиянын Рим шаарында футбол боюнча Европа чемпиондугу ("Евро-2020") старт алат.

"Евро-2020" туура бир ай, тагыраагы 11-июндан 11-июлга чейин Европанын 11 шаарында өтөт. Чемпиондук наам үчүн Европанын мыкты делинген 24 командасы ат салышат. Алар 6 тайпага бөлүнгөн. Турнирдин биринчи күнүндө Түркия - Италия беттеши 72 миңден ашуун көрүүчү бата турган "Олимпико" стадионунда орун алып оюндарынын ачылыш аземи болот. Андан кийин дээрлик күн сайын биринчи жана экинчи айлампанын жүрүшүндө үч тайпалык оюндар болуп турат.

11-23-июнь: Тайпалык баскычтагы оюндар; 26-29-июнь: 1/8 финал; 2-3-июль: 1/4 финал; 6-7-июль: 1/2 финал; 11-июль: финал.
Түркия-Италия беттеши Бишкек убактысы боюнча саат 01:00дө башталат.