Осака: "Ак шумкарлар" тайпада Тажикстандан алдыга чыкты. Бирок...

Бүгүн, 11-июнда футбол боюнча Кыргыз улуттук курама командасы Япониянын Осака шаарында Дүйнө чемпиондугуна тандап алуу оюнунун алкагында Мьянма курамасы менен кез келип, 8:1 эсебинде жеңишке жетти.

Бул көрсөткүч менен "Ак шумкарлар" тайпада 10 упай топтоп Япониядан кийин экинчи орунга жайгашты. Тайпадагы эң негизги атаандаш Тажикстанда дагы 10 упай бар. Бирок голдордун саны көп болгондуктан "Ак шумкарлар" экинчи орунга жайгашты.

Кийинки акыркы беттешин Кыргыз курамасы 15-июнда Япония курама командасына каршы өткөрөт. Ушул эле күнү Тажикстан бүгүн бизден ири эсепте жеңилген Мьянмага каршы оюн өткөрөт. Эгерде Тажикстан Мьянманы жеңсе, 13 упай менен 2-орунга чыгат. Ошондуктан тайпадагы экинчи орунду сактап калуу үчүн "Ак шумкарлар" Японияны сөзсүз жеңиши керек же Тажикстан Мьянмага жеңилиши керек.

Япония - Кыргыз өлкөсү беттешин дагы SUPER.KG порталынан онлайн окуй аласыздар.