Эртең оюн. "Ак шумкарлар" менен беттеше турган Япония курамасы тууралуу эмне белгилүү?

Эртең, 15-июнда Япониянын Осака шаарында футбол боюнча Кыргыз улуттук курамасы Дүйнө чемпиондугуна тандап алуу оюнунун алкагында Япония курамасына каршы ойнойт.

Кыргыз курамасы менен Япония тарыхында 2 жолу беттешкен. Бири 2018-жылы болуп өткөн жолдоштук оюн. Экинчиси ушул тандоо турунун алкагындагы 2019-жылы өткөн оюн. Эки беттеште тең "Ак шумкарлар" утулуп калган.

Япония тайпада 21 упайы менен каршылаштарынан алда канча алдыда. Башкы машыктыруучу Хадзимэ Мориясу тайпалык баскычтагы оюнга жалпы 23 оюнчуну чакырган.

ФИФА уюмунун май айындагы рейтингинде Япония 28-орун, Кыргыз өлкөсү 99-орунду ээледи. Эки команданын беттеши Осака шаарындагы 39 миңден ашуун көрүүчү бата турган "PANASONIC Stadium Suita" стадионунда өтөт. Оюн Бишкек убактысы боюнча саат 16:30да башталат.

SUPER.KG порталынан Япония - Кыргыз өлкөсү беттешин онлайн окуй аласыздар.