Казакстандын "Кайрат" клубунун футболчусу оюн талаасында эс-учун жоготту (видео)

Коңшу Казакстандын "Кайрат" футболдук клубунун экинчи командасы, тагыраагы "Кайрат-Жастар" клубунун оюнчусу Лев Кургин Биринчи Лиганын алкагындагы "Окжетпес" командасына каршы оюнда оюн талаасында эс-учун жоготту.

Оюндун 20-мүнөтүндө Лев Кургин талаада күтүүсүздөн эс-учун жоготкон. 19 жаштагы футболчуга тез арада оюн талаасында жардам көрсөтүлүп, андан кийин ал Алматы шаарындагы ооруканалардын бирине жеткирилген.

Оюн дээрлик 10 мүнөттөй токтоп, калыстар тобу беттешти улантуу боюнча чечим кабыл алышкан.

Буга чейин дагы "Евро-2020" турнириндеги Дания - Финляндия беттешинде футболчу Кристиан Эриксен оюн талаасында эс-учун жоготкон. Мындан улам беттеш үзгүлтүккө учурап, калыстар бир жарым сааттан кийин беттешти улантуу тууралуу чечим кабыл алышкан.