УКМК: "Жогорку Кеңештин депутаты жасалма дипломду колдонуп жүргөн"

Сотко чейинки өндүрүштүн алкагында жүргүзүлгөн иш-чаралардын жыйынтыгында, мурдагы вице-спикер, Жогорку Кеңешинин "КСДП" фракциясынын депутаты З.Т.З. тарабынан жасалма дипломду колдонуу фактысы аныкталды. Бул тууралуу Улуттук коопсуздук боюнча мамлекеттик комитетинен билдиришти.

"З.Т.З. 1998-жылы Жусуп Баласагын атындагы Кыргыз улуттук университетинин Тарых факультетинин үчүнчү курсунан чыгарылган. Окуудан чыгарылышынын себеби билим алуу үчүн акысын төлөбөгөндүгү болгон.

Андан кийин З.Т.З. Жусуп Баласагын атындагы Кыргыз улуттук университети тарабынан берилген делген жасалма дипломду Ош мамлекеттик университетине кабыл алууда колдонуп, ошондой эле Кыргыз Республикасынын Жогорку Кеңешинин депутаты, активдүү саясий ишмердүүлүк мезгилде экинчи жогорку билим алган", - деп билдиришти УКМКдан.

УКМКнын билдиришинче, Жусуп Баласагын атындагы Кыргыз улуттук университетинен алынган жоопко ылайык, З.Т.З университеттин бүтүрүүчүлөрүнүн катарында жок болгон, көрсөтүлгөн номер менен катталган диплом башка жаранга берилген.

SUPER.KG порталына өздүк булактардын кабарлашынча жасалма дипломду депутат Төрөбай Зулпукаров колдонуп жүргөн.

Учурда тергөө иштери жүрүп жатат.