УКМК: "Абхазиядан трал менен 8 автоунаа ташып келе жаткан Кыргыз жараны кармалды"

Абхазия мамлекетинен контрабандалык жол менен автоунааларды ташып келүү схемасы аныкталды. Бул тууралуу УКМКнын басма сөз кызматынан билдиришти.

Маалыматка ылайык, Кыргыз өлкөсүнүн "Чалдыбар-Унаа жол" (Кыргыз-Казак чек арасынын) өткөрүү пунктунда Армениянын жасалма каттоо документтеринин негизинде контрабандалык унааларды ташып келүү схемасы аныкталды.

Бул факты Кылмыштардын жана жоруктардын бирдиктүү реестрине 223-беренеси "экономикалык контрабанда" менен катталган.

"Мамлекеттик чек ара кызматкерлери 9-июнда аталган өткөрүү пунктунан Вольво жүк ташуучу трал менен 8 жүргүнчү ташыган автоунааны ташып келе жаткан Кыргыз жараны кармалды", - деп билдиришти атайын кызматтан.

Жогорудагы айтылган унааларды текшерүүдө төмөнкүлөр табылды:

- Абхазия Республикасынын мамлекеттик автоунаа номерлеринин 8 документи;

- Абхазия Республикасынын автоунааларын каттоонун 8 күбөлүгү;

- Армения Республикасынын мамлекеттик каттоо белгилеринин 10 жасалма документи;

- Армения Республикасынын автоунааларын каттоонун 10 жасалма күбөлүгү;

- Кыргыз Республикасынын УКМК, чек ара кызматынын мамлекеттик 1 жасалма номери.

8 унаасы менен Вольво маркасындагы автотрал унаа токтотуучу жайга киргизилген.