Дөңгөлөгү жарылып кеткен. Баткенде жол кырсыгы катталып, чет элдик жаран каза болду

Баткен облусунун Кадамжай районунда адам өлүмү менен коштолгон жол кырсыгы катталды. ӨКМнын басма сөз кызматынан билдиришкендей, унаанын дөңгөлөгү жарылып кеткен.

"Жаңы-Чек айылында БМВ үлгүсүндөгү жеңил унаанын дөңгөлөгү жарылып, жолдон чыгып кеткен. Унаанын ичинде 4 эркек киши болгон. Кырсыктын кесепетинен 1978-жылы туулган Өзбек жараны каза болду. Ал эми эки адам алган жаракатынан улам "Тез жардам" кызматы менен аймактык оорукананын жандандыруу бөлүмүнө жеткирилди", - дешти мекемеден.