СOVID-19: Республикалык штаб Бишкек, Ош шаарларына, Чүй жана Ош облустарына барууга чектөө киргизет

Өлкөдөгү эпидемиологиялык кырдаалга байланыштуу республикалык ыкчам штаб жарандарга Бишкек, Ош шаарларына, Чүй жана Ош облустарына барууну чектөөсүн сунуштайт. Бул тууралуу бүгүн, 17-июнда штабдан кабарлашты.

"Башка региондордо жашаган жарандарга эпидемиологиялык абал турукташканга чейин аталган аймактарга барууну чектөөнү сунуштоодо. Ошондой эле жарандарды медициналык бет кап тагынуу, колду дезинфекциялоо, социалдык аралыкты сактоо сыяктуу санитардык-эпидемиологиялык эрежелерди сактоого чакырабыз. Мындан тышкары ар кыл массалык иш-чараларга катышуудан жана адамдар көп чогулган коомдук тамактануу жайларына баруудан кармануу сунушталат", - дешти штабдан.

Бишкек шаары, Чүй өрөөнү жана Ош облусу "кызыл зонага" кирет.