Асылбек Маратов: "Элмирбектин шакирттери табынан тая түштү деген чындык"

Белгилүү төкмө акын, "Айтыш" коомдук фондунун тең төрагасы Асылбек Маратов бул ирет биздин маек төрүбүздүн коногу болуп, эл оозунда айтылып жүргөн "Элмирбектин шакирттери табынан тая түштү" деген өңдүү сөздөргө өз пикирин билдирди.

"Айтылып жаткан сөз чындык. Устатыбыз бар кезде он күндүк айтыштар дагы башкача өтчү, балдар дагы "Тиги жерде Элмирбек деген отурат, кой даярданып баралы" деп жоопкерчилик менен мамиле жасашчу эле. Азыр устаттын жоктугу аябай эле билинет, дагы далай билинер. Акын балдардын деле буюрса, бул учурлары өтүп кетет, убактылуу нерсе деп ойлойм. Буюрса, алдыда болчу айтышта көрөбүз эми акындардын табын", - дейт Маратов.