"Евро-2020": Тайпалык беттеште Англия курама командасы чехиялыктарды жеңди

Футбол боюнча "Евро-2020" чемпиондугунун 12-оюн күнү аяктап, 22-июндан 23-июнга караган түнү тайпалык этаптагы 3-турдун эки оюну болуп өттү. D тайпасындагы беттештердин биринде Англия курама командасы Чехияны утту. Жолугушуу Лондондогу "Уэмбли" стадионунда өтүп, 1:0 эсеби менен аяктады. Жалгыз голду англиялык чабуулчу Рахим Стерлинг киргизди.

D тобундагы экинчи жолугушууда Хорватия курама командасы Шотландия курама командасы менен кез келди. Беттеш Глазго шаарындагы "Хэмпден Парк" стадионунда өтүп, хорваттардын 3:1 эсебиндеги жеңиши менен аяктады.

Чехия-Англия - 0:1.

0:1 - 12' Стерлинг

Хорватия - Шотландия 3:1.

1:0 - 17 Влашич, 1:1 - 42 Макгрегор, 2:1 - 62 Лука Модрич, 3:1 - 77 Иван Перишич.

Ошентип Англия 7 упай топтоп, Европа чемпиондугунун плей-офф баскычына D тайпасында биринчи орунга чыкты. Чехия курама командасы 4 упай топтоп, Хорватиядан кийинки үчүнчү орунду ээледи. Ошого карабастан Чехиянын курама командасы дагы мелдештин плей-офф баскычына чыгышты, анткени алар өз тайпаларында үчүнчү орунду ээлеген Украина жана Финляндия курама командаларынан көп упай топтошту. Акыркы төртүнчү орунду Шотландия курама командасы алды.