"110 миң сомдун ордуна болгону 20 миң сом төлөп келишкен". Салымбековдун "Дордой" стадионун негизсиз текшере берет деген билдирүүсүнө министрликтин жообу

Маданият министрлиги дарегине айтылган арыз-муң чындыкка дал келбей турганын айтып, билдирүү жасады.
"Буга чейин министрлик жана “ Дордой” ассоциациясынын ортосунда эки ирет 2007-жылы жана 2011-жылы жер тилкесин ижарага берүү жөнүндө келишим түзүлгөн.
Өкмөттүн 2009-жылдын 3-августундагы №489 буйругуна ылайык, Абдрахманов, Мичурин жана Куреңкеев көчөлөрүнүн кесилишиндеги К.Жакыпов атындагы сейил багынын жер тилкесин "Дордой" ассоциациясына ден соолукту чыңдоо жана оюн-зоок сейил багынын курулушу жана долбоору үчүн берүү” жөнүндөгү токтомунун толук аткарылышын изилдөө максатында министрликтин №295 буйругуна ылайык (16.09.2014) ведомство аралык комиссия түзүлгөн. Комиссиянын корутундусу бир катар мыйзам бузууларды аныктап, ижара акысындагы дал келбөөчүлүктү так белгилеп берген. Анын натыйжасында, ага чейинки келишим жокко чыгарылып, ижара акысы, жер тилкеси жана мөөнөтү тийиштүү органдар тарабынан белгиленген өлчөмдүн негизинде даярдалган жаңы келишимге кол коюлган. Тактап айтканда, текшерүүгө чейин "Дордой" ассоциациясы айына 110 миң 205 сомдун ордуна болгону 20 миң сом өлчөмүндө акы төлөп келишкен. Мындан тышкары максатсыз пайдалануу жана ашыкча жерлерди ээлеп алуу боюнча да фактылар катталган. Тилекке каршы, ал фактылар боюнча чара көрүлгөн эмес.
Президенттин бизнес-коомчулуктун өкүлдөрү менен жолугушуусундагы Аскар Салымбековдун министрликке койгон дооматы жүйөсүз. Анын айтымында, жаңы келген министрлер ал “гүлдөтүп” койгон жерди тартып алуу максатында байма-бай прокуратурага кайрылган. Өз кезегинде, министрлик жогорудагыдай мазмундагы арызды бир дагы текшерүүчү органга жолдобогондугун билдирет. Белгилей кетчү жагдай, Салымбеков ижара акысын толук төлөбөгөндүгү үчүн Бишкек шаарынын Свердлов райондук прокуратурасы тарабынан жиберилген билдирүү-каттарды арыз деп түшүнүп алышы мүмкүн. Ал эми андай билдирүүнү тийиштүү орган министрликтин макулдугусуз жөнөтө алат. Ошондой эле сунушту (Представление об устранении нарушений закона) министрлик да алган. Бул маселе боюнча министрлик мындан кийин да мыйзам талаасында гана иш алып баруусун улантат", - дешти мекемеден.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг:
0

Салымбекти өтө терең казыш керек бул өтө чириген бай да
Элестеткиле кенедей жерден ошончо жеп атса Дордойду текшерсенер ооуу иш көөп Али